女神tea time：
數字王國背後猛人
■數字王國相信係蔡朝輝嘅用心之作，股價將會炒起。 資料圖片
一個人，如果有心去做好一件事，當然會加多兩錢落力。要知一隻股炒唔炒得起，睇間公司動作多唔多有跡可尋。
數字王國（547）近期就真係動作多多，完全係有曬包裝、概念，更
重要係，後台相信包括「股壇猛人」蔡朝暉。
大家睇番公告，數字王國先喺7月收購謝霆鋒後期製作公司，仲搵佢做大中華區主席。之後更先後分別引入麥盛資本（1194）旗下麥盛VR基金、同埋高通執行主席入股以每股0.55元入股，講都明大搞VR。
呢三大單位，冇番咁上嚇實力同人脈，都冇咩可能傾成。家陣一箭三鵰，就知公司背後實力來頭唔細。
最新再下一城，同萬達東方影都簽備忘錄，合作開影棚「動作捕捉影棚」（Motion Capture Stage），將荷里活頂尖視覺特效技術引進大中華區。今次合作更係數字王國於荷里活以外，首次於亞洲建立最具規模的動作捕捉影棚。
睇番上面兩單配股刁，配售代理係聯合證券。聯合證券揸fit人係有「股壇猛人」之稱嘅蔡朝暉，亦即同馬雲一齊創立雲鋒基金嗰位蔡生。今次數字王國星光熠熠，有理由相信，數字王國係蔡朝暉嘅用心之作，所以一定唔衰得。
再唔係參考番之前謝霆鋒入股漢傳媒（491），佢2014年入股後，都炒高過幾倍。今次股東人馬咁強，股價唔靚蔡生咪交代唔到？所以相信數字王國將會落鑊起動！
代《財經評論》一天
Fifi
http://fb.com/lovefrystock
Fifi
女神tea time - Fifi 舊文
來源 source: http://hk.apple.nextmedia.com
