智取大市：散戶衰本末倒置
■散戶要贏錢，最重要係唔好輕易犯上嚴重資金配置錯誤。 資料圖片
每逢升市來臨，散戶唔會係先知先覺撈底嗰批，當佢哋發現入市時機，或許已後知後覺，第一鋪買貨仲只係小試牛刀、買少少，當輕輕鬆鬆試水溫，最易賺錢的機會就白白溜走。
原本100個人裏面，係第50個人入市
，都係唔係咁差，但當時10萬蚊資金在手只敢買1萬蚊，及後發現錢咁容易賺，於是心雄加注越買越大，去到第90個人都入咗市之後，自己先拎埋餘下9萬蚊all-in入市做第91個入市投資者，距離摸頂又近一步。最後100個人都買曬股票，股市耗盡購買力而見頂下跌。
呢種輸錢法，並唔係輸運氣、輸眼光，而係輸喺注碼控制方面。落注多寡同承受壓力嘅能力有相當大嘅關係，因人而異，要學習及自行摸索，小弟亦不斷學習中。
最重要係唔好輕易犯上嚴重資金配置錯誤，升市亢奮期持倉相比升市初期倍數大增，仲要冇乜賬面利潤在手，確係非常危險，要有運氣成功估頂，才能倖免於股市從高位急轉直下，但全身而退嘅難度何其高。
升市總是漫長，因為有低位收集期，要觀察到升市來臨，不太困難，但係跌市派發期可以好短暫，高位一兩日可隨即轉勢，因此估頂太難，先學曉注碼控制更實際。
晉佳
http://www.fb.com/advanceguy1
本欄逢周一、三、五刊出
晉佳
智取大市 - 晉佳 舊文
來源 source: http://hk.apple.nextmedia.com
